Castellano
PortuIgualdad: Igualdad de Oportunidades entre mujeres y hombres de Portugalete El Ayuntamiento de Portugalete viene realizando desde hace varias décadas, programas y acciones relacionadas con la mejora de la situación de las mujeres y a favor de la Igualdad de mujeres y hombres en el municipio.. Portugaleteko Udalak, azken hamarkadetan, hainbat programa eta ekimen garatu ditu emakumeen egoera hobetu eta udalerriko gizon-emakumeen berdintasunera lortzera begira.
AZAROAK 25 – 17:00 San Roke plaza*
* Euririk egiten badu Santa Klara kulturtegian egingo dugu
Portugaleteko Udalaren Berdintasunerako Batzorde Mistoak azaroaren 25ean Emakumeenganako Indarkeriaren aurkako Nazioarteko Eguna izanik, indarkeria matxistaren adierazpen mota ororen aurrean arbuiorik irmoena adierazi nahi du. Halaber, herritarrak gonbidatu nahi ditu ikuspegi feministatik Portugaleten barrena egingo dugun ibilbide batean parte hartzera. Ibilbidea egun berean egingo dugu herriko kaleetan barrena.
Portugaleteko Aisialdi Sareak diseinaturiko ekimen hori lotuta dago Portugaleteko ikastetxeetan nahiz aisialdi eta Eskaut taldeetan azaro osoan garaturiko beste lan-proposamen bati. Hezkuntzari begirako proposamen horrek helburu du gaitza den indarkeriaz sentsibilizatzea, kontzientziatzea, gogoeta egitea eta era berean, haren aurrean jarrera kritiko bat sustatzea.
Berdintasunerako Batzorde Mistoak ibilbidea egiteko ekimena baliatuta lan pedagogikoa egin nahi du espazioak, hiria eta hirigintza-diagnostikoa ere generoaren ikuspegitik azter daitezen. Pertsonaia batzuek ibilbidearen gidaritza-lana egingo dute. San Roke plazatik 17:00etan abiatu ondoren herriko kale batzuk zeharkatuko ditugu eta 18:30ean Solar plazan amaituko dugu. Parte-hartzaileek ibilbide osoan euren esperientziak eta sentimenduak partekatzeko aukera izango dute.
Berebat, Berdintasunerako Batzorde Mistoak ikuspegi feministatik hirigintza-diagnostikoari buruz egin duen lanaren segida izan nahi du jarduera horrek. Izan ere, lan sakonago baten abiaburu ere izango da.
Berdintasunerako Batzorde Mistoa osatzen dutenak hauexek dira: herriko emakume-elkarteak, kultura- eta gizarte- elkarteak, mugimendu feminista, gazte-elkarteak, ikastetxeetako irakasleak, IGEak, udalean ordezkaritza duten sindikatuak, udalaren talde politikoak, udal teknikariak, presidentea eta idazkaria.
