Home / Diversidad / NAGUSIEN ERORIKOAK SAIHESTU

NAGUSIEN ERORIKOAK SAIHESTU

NAGUSIEN ERORIKOAK SAIHESTU

Portugaleteko Udalak, Portu Kirolak, Osakidetzako Buenavista eta Repelega Osasun Zentroek eta Eusko Jaurlaritzako Osasun Sailak, haiek guztiak OSASUNSAREA PORTUGALETEko kideak, adineko pertsonen erorikoak saihesteko tailer bat antolatu dute. Lehenengo saioa azaroaren 14an, San Roque Gizarte Zentroan, goizeko 10:30etan gertatuko da. Bigarrena, saio praktikoa, azaroaren 16an garatuko da, lehen aipatutako bai leku bai ordutegi berean. Biontzako sarrera doakoa izango da, baina tailerretan parte hartzeko, ezinbestekotzat hartzen da aldez aurretik izena ematea:

 

  • Udaletxeko San Roke, Villanueva edo Repelega Gizarte Etxeetan.

 

 

Tailerra emango dutenak: Portugaleteko Udaletxeko teknikariak, Portu Kiroleko kirol teknikariak, Osakidetzako Buenavista eta Repelega Osasun Zentrotako profesionalek eta Eusko Jaurlaritzako Osasun Saileko teknikariak.

Euskal Autonomia Erkidegoko adineko pertsonen artean, erorikoak dira istripu arrazoirik ohikoena. Ikerketen arabera, adin talde honetako heren eta erdien arteko pertsonek, urtean zehar eroriko bat eta beste batzuk eroriko bat baino gehiago jasaten dituzte. Adinarekin batera arriskua gorantz doa, 65 urtetik gorakoen artean, erorikoen portzentajea % 30koa da, 80 urtetik gorakoen artean aldiz, % 50a baino gehiagokoa. Erorikoak, emakumeengan gizonengan baino maiztasun handiagoz ematen dira.

Eroriko gehienak etxe barruan edo inguruetan ematen dira eta batez ere etxeko lanak egiterakoan edo bizitzako oinarrizko premiak asetzen direnean: norberaren garbiketa, etxeko garbiketa, janariak prestatzea eta etxe barruan edo haren inguruan desplazamendu txikiak egiten direnean.

Eroriko baten ondoren, eguneroko bizitza da kaltetuena. Izan ere, autonomia galtzea dakar eta bizitza kalitatea gutxitzea. Adineko pertsonen artean erorikoak, lesio eta hausturak ekartzeaz gain, minusbaliotasuna eta dependentzia dakarte.

Zelan ekidin?

 

Erorikoak gutxitu ditzakegu:

  • jarduera fisikoa sustatzen, batez ere oreka, indarra eta koordinazioa lantzen dituena, adinarekin bat etorri eta pertsonen ezaugarriarekin bat datozen jarduera fisikoa mantenduz.
  • etxea leku segurua bihurtzen, erorikoak ekarri ditzaketen arrisku faktoreak ezabatzen: zorua, argia, sukaldea, komuna, logela, pasatzeko lekuak, eskailerak eta etxeko lanak modu seguruan egiten.
  • hartzen den medikazioari arreta eskaintzen, elikadura orekatua hartuz, entzumen eta ikusmen azterketak maiztasunez eginez, zapata egokiak erabiltzen…

 

 

Guzti honetaz, tailerrean hitz egingo da, modu erraz eta praktikoan.

Caídas castellano

Check Also

#Hypatia Emakumearen Osasunari buruzko Mintegia. Portugaleteko emakumeek halaxe ikusten dute

Emakumearen Osasunaren mintegiari buruzko txostena eginda dago. Dakizuenez, Hypatiaren jarduketen barruan egin genuen mintegi hori. …

Leave a Reply

Your email address will not be published. Required fields are marked *