Castellano
PortuIgualdad: Igualdad de Oportunidades entre mujeres y hombres de Portugalete El Ayuntamiento de Portugalete viene realizando desde hace varias décadas, programas y acciones relacionadas con la mejora de la situación de las mujeres y a favor de la Igualdad de mujeres y hombres en el municipio.. Portugaleteko Udalak, azken hamarkadetan, hainbat programa eta ekimen garatu ditu emakumeen egoera hobetu eta udalerriko gizon-emakumeen berdintasunera lortzera begira.
Sanferminetan 2016ko uztailaren 7an gertatutako egitateak direla kausa, Nafarroako Probintziako Auzitegiko epaia jakinda, Portugaleteko Udalaren Bozeramaileen Batzarrak hauxe onesten du:
LEHENIK.- Udalak eta Portugalete udalerri osoak biktimari nahiz senideari gure sostengua, maitasuna eta elkartasuna helaraztea.
BIGARRENIK.- Epaiarekin zeharo desados agertzea. Areago, egitateak sexu-abusu jarraitutzat jotzearekin erabat aurka gaude. Horren harira, gure babesa helarazi nahi diegu prozesu honetan emakumeen eskubide oinarrizkoen defentsa aktiboan diharduten erakunde guztiei.
HIRUGARRENIK.-Epaiak dioena kontuan hartuta, gure etsipena eta sumindura erakustea. Izan ere, bat egiten dugu justizia eskatzen duen herritarren aldarriarekin.
LAUGARRENIK.- Emakume orok duen askatasun-eskubidea aldarrikatzea. Halaber, adierazi nahi dugu Portugaletek ez duela indarkeria matxistarik onartzen edozein delarik ere.
Ezetz da Ezetz.
Beharrezkotzat jotzen dugu gure legeak ulertuak izan daitezen kultura matxista batean bizi garela eta emakumeen eskubideak baztertzen direla kontuan hartuta.
BOSGARRENIK.- Berrestea gure Udal honek konpromiso sendoa duela gizarte-elkarteekin, talde feministekin eta herritar ororekin batera ere lanean jarraitzeko berdintasunaren eta emakumeen eskubideen alde eta patriarkatuaren adierazpen ororen aurka.
Portugalete, 2018ko apirilaren 27a
