M17 LGTBIfobiaren aurkako Nazioarteko Egunean, Portugaletek eskubide berdintasunean oinarritutako gizarte anitza aldarrikatzen du

Maiatzaren 17an, LGTBIfobiaren aurkako Nazioarteko Egunean, Portugaleteko Udalak PORTUGALETE DIVERSA/PORTUGALETE ANITZA kanpaina abiarazi zuen, Behatokiaren laguntzaile den Libérate elkartearen laguntzarekin, edozein pertsonak desberdina izateko duen eskubidea aldarrikatzeko eta LGTBI+ pertsonen aurkako erasoak salatzeko.

ERABEREANen azken txostenaren arabera, sexu-orientazioagatiko eta/edo generoagatiko erasoak bigarren diskriminazio-modu ohikoena dira. Gainera, eraso gehienek transfobiarekin dute zerikusia, salaketak esponentzialki areagotu baitira. Hala ere, LGTBI+ komunitateak jasaten dituen eraso asko isilik daude. Horregatik, oraindik dauden diskriminazioen aurkako borroka sendotzen jarraitu behar dugu. 23 urte igaro dira OMEk homosexualitatea gaixotasuntzat hartzeari utzi zionetik, baina oraindik ere gertatzen dira diskriminazioa eta LGTBI+ kolektiboaren aurkako erasoak.

Beraz, maiatzaren 17an, LGTBIfobiaren aurkako Nazioarteko Egunean, gainerako 364 egunetan bezala, Portugaleteko Udalak gizarte justua, berdintasunezkoa eta askotarikoa aldarrikatzen du, pertsona bakoitzaren errespetuan eta askatasunean oinarritua, eta aniztasunean bizikidetza ona lortzeko lan egiten dugu.